(اسرح قداش بدك) حصريا من الحصان

[الشرباتي]

يا جماعه الخير هاي لعبه حصريا من عندي
قواعد اللعبه ابتحكي انو كل واحد يكتب مغامره صارت معاه بس اتكون كلها سرحااان ودواوين وعرط يعني ما صار منها اشي بلواقع ...يعني بلعربي الفصيح ورجونا مواهبكم في السرحان والكتابه...


وبتمنا من الجميع ايشارك وبدنا مشاركاتكم يا صبايا ....:03:
ولولحي يا داليا ....:56::56: :56: :56: :56:

[طريق النحل]

شرباتي لازم انت تفتتح واسرررررررررررررررح يا حصاااااااااااااااااااان يلا عشان نكمل

[الشرباتي]

..هادا يا جماعه مرره وانا اسبح في عكا (طبعا انتو ابتعرفوني انا السباح الكبير )
طلعلي سمكه قرش طولها تقريبا قد طول باص الرام او اطول اشوي يعني قد طول باص ابشقفتين ..زي باصات اليهود..
ما بديش اطول عليكم بلحكي ......
المهم حطيت راسي من راسها واسبح يلي ابتسبح.. اسبح يلي ابتسبح المهم ما بدكم بطول هل السيره
والله محسوبكم ضل شادد وما تعب من مرره... انا ازيد سرعتي... والقرش ايزيد سرعتو وانا ازيد سرعتي.. والقرش ايزيد سرعتو وعلى هل الحاله
انو يتعب انو يزهق مني لن سبيل عل فاضي ومحسوبكم مخاتو خليليه يعني شو بدي احكيلكم كا انو سمكته القرش كان داعي عليها حدا ...
خليني اكمللكم والله يا جماعه بعد ما اوصلنا عرض البحر البيض حكات خلص....
يا قاتل يا مقتول شو انتا بدك اضلك تشرد لا امتى يعني ......والله واواجهلكم اياها وجه لا وجه فاس تو فاس ..
مسكتلكم اياها من خناقها وبلشت اعصر فيها وهي بتقاوم اركبت فوقيها وهي بتقاوم
المهم مرره وحده وبسرعه البرق وزي الطلق مسكتلكم تمها كل فك في ايد وبلشت افتح فيي افتح في لما خلعتلها فكها ...
وبعدين كانت نهايتها ابشلوط في نص الزاعنف تعونها ...
وبعدي حطيتها على ضهري وروحت اسباحه على عكااا واخدنا وشويناها وعزمنا عليها العيله بلليله...

مع تحياتي واشواقي انشالله اتكونو انبسطو معانا في مغامرات الحصاتن...
وتوتو تو تو خلص الحدوتو حلوه ولا مبتوتو...
:31: :31: :31: :31: :31: :31: :31: :31:
THE END

[طريق النحل]

وبعدين كانت نهايتها ابشلوط في نص الزاعنف تعونها ... ههههههههههههههههههههههههههه والله انك بطل

وبعدي حطيتها على ضهري وروحت اسباحه على عكااا واخدنا وشويناها وعزمنا عليها العيله بلليله...


شو هاااااد يا شرباتي ابتعزم العيلة واحنا صارلنا اسبوع بدون غدا ابنستنا المهلبية وفي الاخر طلعت لبنية واكتشفنا انك عازم العيلة على سمكة قرش واحنا ابنستنا على الفاضي

عفية على قولة صدام والله عند خيال واسع

بس سؤال وين كان الحصان سارح عنك؟؟؟؟؟؟؟؟؟؟

[Link nur für registrierte Benutzer sichtbar]

[الشرباتي]

هههههههههههههههههههههههههههههههه ...شو هادا يا طريق النحل كمان حاطه سمكه قرش اوعي اتكوني انتي الي كنتي على السفينه لما حكاتلك زتيلي حبلله علشان تنقذيني .وبعيدن اعملتي حالك مش سامعه ولا كانك هون ..اممممم
والله شكلو انتي بس ماشي الله ايسامح ....


مهو انا محكتلكش انو بعد ما شوينها وجينا بدنا ناكل الي اجانا خبر ابيحكي انو معاها انفلونزا الاسماك ...
سلامات بشوالات

[طريق النحل]

اه انا اللي كنت بس مش انت عملت حالك كبير وقلتلي انه انت بطل وابتقدر لحالك تنقذ حالك بعدين مين قلك تنزل تسبح في الحصان

بعدين ما جاوبتني وين كان الحصان شكله غرق؟؟؟؟

[الشرباتي]

ههههه يعني اعرفتي ....
الحصان شو بدك في سيبي في حالو كان في شهر العسل وفي اسطبل الخيول مع ارفيقتو
(العنود) .[/b]

ويلله ورجينا مهاراتك واكتبيلنا مغامره من مغامراتك..

[طريق النحل]

هادا مرة من ذات المرات ......... لما ارجع بكمللكم القصة بدي اعمل كاسة نسكافيه وارجع عشان اطلق العنان لخيالي

[الشرباتي]

طيب احسبي احسابي بوحده دوبل بس من غير سكر لا اني انا بعمل رجيم قاصي ...
ومش راحم حالي احكيلك ازا بتخليها قهوه بكون احسن...وهينا ابنستناكي

يا جماعه وان باقي الاعضاء وان مشاركاتكم..

[طريق النحل]

طيب احسبي احسابي بوحده دوبل بس من غير سكر لا اني انا بعمل رجيم قاصي ...
ومش راحم حالي احكيلك ازا بتخليها قهوه بكون احسن...وهينا ابنستناكي

يا جماعه وان باقي الاعضاء وان مشاركاتكم..


رجيم قاصي ههههههههه ليش ؟؟
هو في كل الاحوال انا بشرب بدون سكر هيك خلقة ربنا رجيم رباني

يلا استعدو للقصة القادمة

احلى كاسة قهوة سادة

[طريق النحل]

صلو على النبي

هادا مرة من ذات المرات يعني تقريبا في 2005 كان عندي امتحان نهائي ............. المهم وبلا طولة حكي كان الامتحان الساعة 3 وانا زي ما ابتعرفوني الله مش معطيني ولا شوية صبر ولا طولة بال زهقت وانا استنا الامتحان ........... شو عملت رحت اشتريت علبة عصير ونزلت على المدرج في الجامعة تحت عند الشجرة الطويلة اكيد عرفتوها .......... شربت علبة العصير وسرحت في الحبيبة اللي على المدرج اللي براضي صاحبته واللي بياكلو واللي واللي يعني كتار لو بدي اعدهم ما بخلص........


المهم وفجاة يفضا المدرج وانا روحي مفرفطة ومش قادرة استنا للساعه 3 والله الا الساعه متل البرق تصير 2 قررت هيك اتامل مادة الامتحان وفجاة اندمج في المادة ..... وكل ما ارفع راسي احس في حدا عندي وارجع اقرا ...............


وهادا يا جماعة بدي اقلب الصفحة ويقوم واحد يقلبها وانا يوقف قلبي ........................... والف وجهي اشوف مين هاد بكل ثقة وقوة ويطلع مين ؟؟؟؟
وشو طلع؟؟؟؟؟ هادا يا جماعة في جيب للجيش كان مارق وداخل بين احراش الجامعة والجندي جاي يشوف شو بقرأ ؟؟؟؟؟؟؟؟؟؟؟؟؟


وانا عارفيني بطلة اضربلكم اياه الضربة القاضية واجيب اجله ورحت على الامتحان ومن الخوف اذا ستي عرفت تجاوب شي انا جاوبت
واطلع من الامتحان الا الادارة عاملين تكريم للبطلة م..... اللي هي انا واعطوني وسام البطولة والتضحية والشجاعة ونجحوني في الامتحان والله وصرت بطلة والكل يضربلي تحية..................... هو في تكملة بس ما بدي ازهقكم



بس عنجد هي القصة شوي منها حقيقي وشوي تاليف

[ابو جوجو]

شو هل الهبل اكبرو الله لايكبركو اي هو في انفلونزا السمك

[ابو جوجو]

روحي اسرحي في عربية فول احسنلك

[ابو جوجو]

انته صورتك الي حاططها ابو حسونه مرأه اشجع من مش عارف مين

[طريق النحل]

والله يا حبيبي كل شي جايز كبر عقلك وفكر الساعة ماشية على الدور يعني اول شي جنون بقر بعدين الجمرة الخبيثة وبعدين انفلونزا الطيور والاسماك على الطريق يعني الاحتياط واجب

[ابو جوجو]

يا شرباتي حط اشي مفيد بلا العاب هيك بدنا اشي مهم مش نقضي وقتنا على اشي فاضي

[ابو جوجو]

طب اوعي تاكلي سردين وسمك مالح



وطير يا دبور

[الشرباتي]

صلو على النبي


وانا عارفيني بطلة اضربلكم اياه الضربة القاضية واجيب اجله ورحت على الامتحان ومن الخوف اذا ستي عرفت تجاوب شي انا جاوبت
واطلع من الامتحان الا الادارة عاملين تكريم للبطلة م..... اللي هي انا واعطوني وسام البطولة والتضحية والشجاعة ونجحوني في الامتحان والله وصرت بطلة والكل يضربلي تحية..................... هو في تكملة بس ما بدي ازهقكم



بس عنجد هي القصة شوي منها حقيقي وشوي تاليف


اهلين بالابطال النشاما الي رافعين راسنا دايما ...:19: :20: :20:
والله انو القصه صبابا ههههههههههههههههه ..
واما حسات برضو انو فيها اشوي من الواقع ...يسلمو اكتير لا مشاركتك ونلتقي مع مغامره اخرى من مغامرات (م....):03: :18: اش يعني مش فاهم ؟؟؟؟؟طريق النحل

[طريق النحل]

يا اخي المنتدى مليان روح اقضي وقتك واقرأ واستفيد بدل ما جاي تضيعك وقتك الثمين معنا كل واحد حر بوقته بعدين اسم المنتدى هاد استراحة يعني عشان ما تضيع وقتك ما تفوت عليه وتبلش تخبص شمال ويمين

[ابو جوجو]

والله يا نحول بدي اريح انا جاي على بالي اريح وانته مالك

[طريق النحل]

اهلين بالابطال النشاما الي رافعين راسنا دايما ...:19: :20: :20:
والله انو القصه صبابا ههههههههههههههههه ..
واما حسات برضو انو فيها اشوي من الواقع ...يسلمو اكتير لا مشاركتك ونلتقي مع مغامره اخرى من مغامرات (م....):03: :18: اش يعني مش فاهم ؟؟؟؟؟طريق النحل


هادا يعني اول حرف من اسمي :56: وشكرا كتير يا شرباتي على لطفك وزوقك مش زي بعض ناس

[ابو جوجو]

شو يعني اسمك زينه الي بتجي مع نحول ولا سوار البصل

[الشرباتي]

شو هل الهبل اكبرو الله لايكبركو اي هو في انفلونزا السمك


يا امعلم انتا يا كبير الكلام من صفه المتكلم محداش ضربك ع ايدك وحكالك اتشارك ...
وبلاش كلمات تجريح في المنتدى المحترم لا انو انتا يا ابن الناس شكلك محترم ...

وبشرفنا انضمامك الينا وذا انتا قرئت في الاول اللعبه اسمها سرحان وكلام دواوين ...


وميه هلا فيك يا امير :02: :f:

[الشرباتي]

شو يعني اسمك زينه الي بتجي مع نحول ولا سوار البصل

:06: :06: :06: :08: مش شايف يا ابو جوجو حرك شفايك...

اهلا فيك عضو اجديد معانا..:coffe:

[ابو جوجو]

يا عمي هادا موقع محترم وانته يا شرباتي رئيس الاقسام فحط اشي لايق في الموقع

[طريق النحل]

ابو جوجو شكلك مش لاقيلك شغلة تضيع وقتك الثمين فيها

[طريق النحل]

وانته مالك يا حبيبي اضيع وقتي زي ما بدي ما حد الو عندي

مش انت بتقول ما بدك تقضي وقتك الثمين على شي فاضي ؟؟؟؟؟؟؟؟؟؟؟؟؟ معناها شو جايبك عنا

اسمع روح اشرب حليبك ونام بدك تصبح قايم على المدرسة
:06: :06: :06: :06: :06: :06: :06: :06:

[الشرباتي]

طيب يا جماعه انا بدي احل الموضع سلمي الي بحب النبي ايصلي عليه ...
يا طريق النحل و يا ابو الجوج خلص صفحه اجديده خلينا انكمل اللعبه ....

[alaa jamjoum]

مين هدا ابو جوجو يا عمي اقعد محترم احسنلك

[صقـــ العــذاب ـــر]

سلام يا شباب هاي القصه صارت معي بسنه 1995 لما كنت اشتغل بدون تصريح قي حيفا كنت مره قاعد بالليل على شجره زيتون ضخمه شو ضخمه يعني بتحكي كبرها اكبر من عماره هس انا كنت انا على الشجره من فوق على شان لما يلحقونا اليهود اعرف اشرد على جه تانيه ومره من المرات كنت قاعد بالليل وبدي اولع سيجاره فتش على الولعه ما في ولعه دوار على كبريته ما في كبريته صرت بدي انزل اشتري ولعه من الدكانه الا اليهود تحت الشجره ما اقدرت انزل شو اعمل شو اعمل حششه معي قمت قلت يا رب ابعتلي ولعه ويا اخوك فش تواني ربنا بعتلي الصرصور الي بضوي بالليل ولعه منو السيجاره وكار الصرصور.

[الشرباتي]

اهلين في صقر العذااب شو هل المغامرات يا حج والله ما اعرفتك
بس بدي اسئلك عمرك احضرت فلم عالم الحيوان ...
:55: :55: :05:

[alaa jamjoum]

و الله الشباب خيالها واسع

[طريق النحل]

هههههههههههههههه الله بعتلك اياها .....وشو صار ولعت السيجارة ؟؟؟؟ بعدين لما شمو ريحة الدخان شو صار ؟؟؟؟؟
والله من الخوف يمكن ما قدرت حتى تطول سيجارة اي هو عقلك في هيك وقت بفكر في السيجارة

يا زلمة كان سحبتلك ولاعة من جندي بدون ما يحس كان فكرو الشجرة ملموسة وكان هربو وريحت راسك

:56: :56:

[alaa jamjoum]

هدا يا جماعة الخير بدي احكيلكم قصة صارت معي في سنة 2009 في زمن المماليك
كنا قاعدين انا وجماعة صحابي بنحضر للحرب علشين نهجم على الاتراك ولا فجاة الدنيا صارت عتمة و الوضع انقلب فوقاني تحتاني
ولا هي امي اجت تصحيني بتقلي قوم يما على المدرسة
و هيك ما كملت الحلم بس انام كمان مرة بكمللكم القصة:28: :22:

[طريق النحل]

وفي المدرسة رحت وانت عايش في عصر المماليك بس ما تنسا تاخد سلاح من العيار التقيل بلاش يرجعلك الحلم فجاة
:31: :31: :31: :31: :31: :31: :31:

[الشرباتي]

تعالو احكيلم يا حبيبنا لما كنا ايام زمان يعني بعد الحرب العالميه التانيه... قبل ما خشو المسلمين على الاندلس...
بعد ما فتح الحصان وجماعتو روسيا البيضاء.. ابان الانقلاب العسكري الي صار في مقديشو ..
كنت انا وحصاني رايحين على مقديشو عشان اسمعنا انو كان في هناك شجره موز ازا قطفت منها موزه واكلتها ابقشرها بصيرلك حاله من التنفس السريع البطيء يعني بتحس انك عايش ومش عايش يعني بتحس انو الدنيا اكبيرا وبنفس الوقت اصغيره ....مالكم في طول هلسيره ....
ونا راكب راكب على الحصان قبل ما اوصل السودان بالف كيلو يعني كنت بزبط عند بلده اسمها بلده ابو محجوب الوطنه للتجاره الداخليه والخارجه وبتلاقو فيها ابضاعه امهربه ومش امهربه منها اشي شغل الصين ومنها ابضاعه يا بانيه...
الا هو بحكيلو واحد عن ازا كان الحصان للبيع ولاء ..
حكاتو والله يا ابن العرب هادا الحصان هديه واهديه لا تباع ولا تشترى بس ازا انتا ناوي تشتري بشوفلك واحد بشوفلك احصان من العيزريه وبجيبلك اياه هديه ..
قال ماشي بس بدي اياه ايكون سريعه واعصابو قويه .
و انا في طريقي نحو شجره الموز احزرو مين شفت ..... شفت وحده بتبيع امهلبيه ..
حكتلي تعال يا ابني احطلك في صحن وتاخدها معاك زاد للطريق عشان تاكلها واتكون لقمه هنيه.
وشكلي طولت علاكم ببس للقاء في بقيه .....
والسلام عليك ورحمه الله وبركاتو يا فلسطينيه..

[alaa jamjoum]

وفي المدرسة رحت وانت عايش في عصر المماليك بس ما تنسا تاخد سلاح من العيار التقيل بلاش يرجعلك الحلم فجاة
:31: :31: :31: :31: :31: :31: :31:
ال سلاح من العيار التقيل ال بقلك في عصر المماليك يعني ما كان في الا دبابات و صواريخ كيف بدي احملهم :27: :27: :27: :27: :25: :25: :25: :25:

[طريق النحل]

حصان من العيزرية ههههههههههه بس ما تنسا تجيبلنا موز ومهلبية معك

[alaa jamjoum]

انا نفسي اعرف شو سر هالحصان تبعك يا شرباتي؟؟؟؟؟؟؟؟؟؟؟؟

[صقـــ العــذاب ـــر]

والله الشباب مزاجه عالي هوان انا شايف ويا حصان لساتني ما حضرتو ازا اعندك ابعتو بالله بالبريد المتسجعل ويا علاء المهات عادتنا ما بجو الا بالوقت الحلو بالحلم الله يسهل عليهم

[الشرباتي]

انا نفسي اعرف شو سر هالحصان تبعك يا شرباتي؟؟؟؟؟؟؟؟؟؟؟؟

والله يا حج الحصان قصتو اكبيره اكتير والسر تاعو في بير عميك اكتير وزا مش عاجبك بركبك على الجاموسه وبخليك اطير.. ومد علبراد يا ابن الناس احسن اجيلك ومعاي شباب اكتير .. ..:31:

[طريق النحل]

والله يا شرباتي لازم تسرح شوي وتالف قصة للحصان عشان نعرف سره

[palestineonly]

:17: :17: :17:


عليه الجيره انكم خالصين وولا حبه يعني حرام على وقتك
:17: :17: :17:
ولاك يا شرباتي شو هالقصص الروعه هذه ال سمك قرش و مش عارف شو ومقديشو يعني لحد هلاء
من كل القصص كانت احلى وحده سمك القرش

بس طريق النحل شكلها مفكره حالها ارهابيه اليهود مدشرين الدنيا و دجايين يشوفو شو انتي بتقرائي

هههههههههههههه ال شجرة زتون ال هههههههههههههه و الله مش عارف من وين بتجيب هالافكار يا خيالي انت
:17: :17: :17:

ابو جوجو



يا طيب و يا ورده يعني انتا فايت على موضوع في قسم استراحه و الموضوع اسمه خيال و مش عارف شو لعبه
يعني ما في داعي انك تقل في الكلام و الله هذا اشي بألم يعني
يا اخي اذا بتقول انت روحو شوفو اشي مفيد طيب شو دخلك على هذا القسم مفي اقسام ادبيه
وثقافيه بس انتا اكيد مثل الباقيه يعني زهقان شويه و حابب تفرفش عن حالك
يعني طوله بتطول و قصرها بتقصر
المهم لا تفهمني غلط بس هذا واجبي احل المشاكل هون يعني لا مسأله شخصيه ولا اشي

واهلا وسهلا فيك بهالمنتدى المتواضع و ان شاء الله بتستفيد و احتا بنستفيد منك واحلى ورده
:f: و فنجان قهو ه :coffe: ل احلى اعضاء



وانتظرو مني احلى قصه صارت معي بس عمالي بتذكر فيها لانها صارت من زمان يعني في ابو مئات السنين
:17:

[طريق النحل]

والله يا بهاء اليهود عنجد تركو كل الدنيا واجا الجندي يشوف شو عم بقرأ يعني صحيح القصة فيها تأليف بس اول قسم منها حقيقي

[alaa jamjoum]

والله يا حج الحصان قصتو اكبيره اكتير والسر تاعو في بير عميك اكتير وزا مش عاجبك بركبك على الجاموسه وبخليك اطير.. ومد علبراد يا ابن الناس احسن اجيلك ومعاي شباب اكتير .. ..:31:
اهلا و سهلا فيك يا حج بس بلاش تيجي بالحصان بلاش اتوسخ الطريق
و اعطيها غبرة بلاش تعمل كركبة في المركبة:55:

[الشرباتي]

والله يا شرباتي لازم تسرح شوي وتالف قصة للحصان عشان نعرف سره


قصتي مع الحصان قصه مش طبيعيه ....بدي احكيلكم اياها بس مش تنعسو او اتملو لا انها قصه حقيقيه....
قصتي بلشت في فلسطين الابيه....لما كنا اصغار نلعب بلحاره انا وولاد جارتنا ام هنيه...كان عندها مزرعه فيها جاج وفيها خرفان وفيها حصن قويه.... بلشت القصه معاي لما كاني قاعد على الجمبيه...
يشرب ارجيله وياكل لقمه هنيه...من ايدان جارتنا ام هنيه..
وحنا قاعدين على الجنبيه ...اجا واحد شرير اسمو( ابو طوريه) ...وكان عامل حالو بلطجي وتاع مشاكل وشلله زعرنجيه...كان ياخد من ام هنيه كل يوم بيضه ومهلبيه...اكيد بلخاوا مش بلحنيه...
ومر الزمن وراحت الايام الطفوليه...ولما اجت الزعرنجيه على بيت ام هنيه وحاوله يسرقو الحصان الي لونو ابيض ورجليه قويه...قمت انا زي ابو الشباب ومعاي بلطه و ابسيه ...
بطحتهم واحد واحد و ورجاتهم مين الي عضلاتوه قويه ...ومن هداك اليوم لا هادا اليوم وانا بركب الحصان تاع ام هنيه ...الي اعطتني اياه هديه ...لما انقذتها من الزعرنجيه

[طريق النحل]

بطل يا عمي بطل

[الشرباتي]

بطل يا عمي بطل

تسلمي تسلمي يا طريق النحل ..

بس انتي لسا ما شفتي اشي من مغامراتي ...لسا هادا جزء اصغير من اجزاء اكتير ...
يعني لو بدي اجمعهم واكتبهم ابعيعملولهم مكتبه من عشرين طابق كلها مليانا من مغامرتي ...
لسا اقطع من مغامرات السندباد ..
مرره من زات المرات ...ونا ماشي في شارع ركب بين السيارات ... خبطتني سياره من نوع باسات ..
وهي كانت ماشيه ابسرعه ميه ومن غير ابركات ...بس لما خبطتني صارت كومت حديد ما ابتنفع الا في الخردوات.. وتنباع حديد بلكيلوات ...وانا ما صار فيي اشي بس اتوسخ البنطلون وشويه جروحات ..
اتعالجت من غير عوزه للمستشفيات .....:05: :05:

[اشرف]

والله كلكم كبار وبعدين يا ابو الشرباتي اول مرة بعرف انه عندك مواهب شعريه قويه ,تسلمي انتا وجارتك ام هنيه

[طريق النحل]

اكيد بدها تصير السيارة خردة يا شرباتي يا عمي خليلي شو بدنا نقول شكلك كنت ماكل بوظة ركب وطالع بعدين وين كان عقلك في مين كنت سارح يا زلمة والحصان وين كان عنك؟؟؟؟؟

[ابو حسونه]

:11: :11: :hsan3: والله يا شرباتي قصص انسه
دمار مخليتش مجال لحد يسرح

[palestineonly]

اليوم بدي احكيلكم قصه صارت معي يعني من زمان كثير قبل الاف السنين ممكن بتتذكرو هذيك الايام
يوم ما كان الفراعنه و هالشله المهم خلينا نفوت بالموضوع
انتو بتعرفو لما فحشو البحر يعني هذا كان عمل جبار هذا الزعيم في هذيك الزمانات كان اسمه عواد
وحكالنا احنا ايده اليمين كنا انه احفر جوره قال هو كان بده جوره كبيره عشان يخبي مصرياته فيها و الله انا اخذت هالشباب اللي
بعرفهم و بلشنا نحفر
واحفر يلي تحفر ما كان طبعا جرافات و مش عارف شو كان في اشي اسمه جندر هذا هيك ماكنه كبيره بس على هذاك
العصر يعني هلاء هذه الماكنه نقرضت منتو عارفين عشان عوامل البيئه و المناخ كلو بنقرض
المهم اركبتلك انا الجندر و بلشت احفر و احفر يعني على السريع و الشباب كانت تساعد بالجندرات الصغيره
بالاخر في قاع الجوره كان في حديده هيك شكلها زي الحنفيه قام واحد من الشباب قلك ها هينا لقينا اثار و بلش يلعب
فيها لما كسرها و عينك ما تشوف الا الميه هذه الحنفيه نكسرت و في خلال ثواني يعي عبت الجوره ميه المهم احنا يعني اقدرنا
ننفد و نروح على اليابسه بس طبعا يعني نجونا باعجوبه احنا كنا على شط عكا بس في واحد من الشباب ما قدر يطلع من الميه فضل يجاول المهم بعدين بحكيلكو هذا شو قصتو وفي كمان واحد هرب كان في شجره زتون راح طلع فوقها
وين كنا اه اجا عواد علينا و بعد البهادل و مش عارف شو اتفقنا انو نبهدل هذه البنت اللي كانت تشتغل معنا و لعبة في الحنفيه وكسرتها واطفقنا انخبي المصاري تحت التراب اللي شلناه من الجوره
يعني عملنا كوم تراب هون و كون هناك في كوم تراب سميناه قمة افريست و في كوم طويل سميناه القلب و في هالايام صار اسم
هذه الاكوام جبال يعني جبال القلب و جبال جرزيم و عيبال
اه صح خلينا نرجع احنا على الشب اللي ما قدر يطلع من الميه ضل الزلمه يحاول يطلع بعدها اكتشف انو بعرف يعوم في الميه و يسبح
بس فجأءه طلعتلو سمكت قرش ما بدي اطول عليكو افتحو اول موضوع في هذا القسم و شوفو شو صار معو .طيب بجوز لاحظتو انه فشقنا شويه عن البهدله اللي بدنا نبهدلها للبنت اللي كسرت الحنفيه مهو كان في ايام زمان المره و الزلمه يعني سواسيه زي اياماتنا هذه
المهم اجا عواد و حكا عشنك بنت ما بدنا نضربك بس و لازم تكتب الو كل اسماء الدوله و تحفظيهم عن غيب و انا بدي اوقف عليكي حارس كل ما تشيلي راسك من الكتاب بضربك و بخليكي تكملي حفظ
وهيك طلع عواد راضي و احنا فرحانين و الشرباتي و صقر العذاب و نحول كل واحد اخذ جزائو ولا يازالو هؤلاء الاشخاص على قيد الحياه حتى يومنا هذا
وتوتو توتو خلصت الحدودو
و دقي يا مزيكا
:39:

[الشرباتي]

:03: اليوم بدي احكيلكم قصه صارت معي يعني من زمان كثير قبل الاف السنين ممكن بتتذكرو هذيك الايام
يوم ما كان الفراعنه و هالشله المهم خلينا نفوت بالموضوع
انتو بتعرفو لما فحشو البحر يعني هذا كان عمل جبار هذا الزعيم في هذيك الزمانات كان اسمه عواد
وحكالنا احنا ايده اليمين كنا انه احفر جوره قال هو كان بده جوره كبيره عشان يخبي مصرياته فيها و الله انا اخذت هالشباب اللي

:39:


حلوه ايدو اليمين هااي:17: :17:

......
اعطيها جندرااات يا بهاء انا ازن شفت الجندر هاد هي هو نوع من الدواب




اش خلال ثواني انتلت الجوره ميه لونك زودها اشوي عشان اتبين الجوره اكبيره ولا انتا قصدك انو الحنفيه ماسورتها اكبيره



هههههههههههههه قال جبل افرتس وهلايا قال ...:55: :53: :19: :eyes: :41:

[الشرباتي]

والله كلكم كبار وبعدين يا ابو الشرباتي اول مرة بعرف انه عندك مواهب شعريه قويه ,تسلمي انتا وجارتك ام هنيه

:05: :05: :05: :55: :55: :19: :19: :19: :19:

[طريق النحل]

يا زلمة انت مش عارف ليش كل هل حفر ؟؟؟ طلع الشرباتي مضيع شيكل وطلب من مديرنا يلم الشلة نروح نحفر بس مستحي يقلكم انه مضيع شيكل هاد سبب الحفر الحقيقي يا جماعة ولحد الان قوات الحصان شغالة في الحفر لما يبين الشيكل ورووووووووووووووح يا حصان
وعاشت قوات الحصان

[الشرباتي]

يا زلمة انت مش عارف ليش كل هل حفر ؟؟؟ طلع الشرباتي مضيع شيكل وطلب من مديرنا يلم الشلة نروح نحفر بس مستحي يقلكم انه مضيع شيكل هاد سبب الحفر الحقيقي يا جماعة ولحد الان قوات الحصان شغالة في الحفر لما يبين الشيكل ورووووووووووووووح يا حصان
وعاشت قوات الحصان

تعيش يا تعيش يا تعيش تعيش تعيش...


علينا يا مندلينا انا برضو شيكلي الي ضاع ولا الحلق تاعك :17: خلي الطابق مستور وبلاش فضايح :55: :55:

[طريق النحل]

يعني يا شرباتي لازم نفضح المستور ما بدك نخليها عائلية يعني لازم احكي لما ضيعت الشيكل ورحت تدور عليه وطلعلك القرش مسكت في داني ووقعت حلقي كمان وصرت تبكي بدك انزل من التايتانيك تبعتي اجيبلك الشيكل خلي الباقي عائلي بلاش نفضح يا شرباتي:56: :56: :56: :56: :56: :51: :51:

يعني نسيت لما قلتلي انك رح تلحق الشيكل ازا ما بين وبعتنا قوات الحصان تبحث ولهلأ ما رجعو

[الشرباتي]

يعني يا شرباتي لازم نفضح المستور ما بدك نخليها عائلية يعني لازم احكي لما ضيعت الشيكل ورحت تدور عليه وطلعلك القرش مسكت في داني ووقعت حلقي كمان وصرت تبكي بدك انزل من التايتانيك تبعتي اجيبلك الشيكل خلي الباقي عائلي بلاش نفضح يا شرباتي:56: :56: :56: :56: :56: :51: :51:

يعني نسيت لما قلتلي انك رح تلحق الشيكل ازا ما بين وبعتنا قوات الحصان تبحث ولهلأ ما رجعو

هههههههههههههه..خخخخخخخخخخ ...حلوه منك ع صغر سنك ..:06:
ابتنفع اتحطيها في اسرح قداش بدك خخخخخخخخخخهههه:03: :03: :06:

[الشرباتي]

بس والله انا زعلان منك يا طريق النحل لا انك ما باركتيلي على التوقيع الجديد

[طريق النحل]

هههههههههههههه..خخخخخخخخخخ ...حلوه منك ع صغر سنك ..:06:
ابتنفع اتحطيها في اسرح قداش بدك خخخخخخخخخخهههه:03: :03: :06:


ههههههههههههه يا زلمة انا اكبر منك ولا نسيت انه انا اللي اخدتك رحلة على عكا على حسابي

:06: :06: :06:

[طريق النحل]

بس والله انا زعلان منك يا طريق النحل لا انك ما باركتيلي على التوقيع الجديد

له له له زعلان مني يا زلمة انا كنت بحضرلك حفلة شكله الحصان رجع من شهر العسل من عند العنود عشان هيك راجعلنا new look

:f: :f: :f: :f: :f: :41: :40: :42: :39: :03: :39:

والليلة ابنعمل زفة للحصان ولا يهمك

القهوة عليك

[الشرباتي]

ههههههههههههه يا زلمة انا اكبر منك ولا نسيت انه انا اللي اخدتك رحلة على عكا على حسابي

:06: :06: :06:


على احسابك:05: :55: :55:
والله يا جماعه ازا انتو شوفتو اشي انا شفت ...لا رحله ولا ما يحزنون...
والله سلامات بشوالات..:06: :03:

[طريق النحل]

يا زلمة الكل شاهد على رحلة عكا لما طلعلك القرش يعني بكل وقاحة ابتنكر

[الشرباتي]

يا زلمة الكل شاهد على رحلة عكا لما طلعلك القرش يعني بكل وقاحة ابتنكر

كان واحد من الناس زي كل الناس ...ناس عيشه ابتجري وشقيانه وهي عيشه وخلاص...
بس الايام مش سيبانا مش سيبانا بحلنا ...

اش جاب هاي الاغنيه هون مش عارف ..
؟؟؟:pl:

[طريق النحل]

كان واحد من الناس زي كل الناس ...ناس عيشه ابتجري وشقيانه وهي عيشه وخلاص...
بس الايام مش سيبانا مش سيبانا بحلنا ...

اش جاب هاي الاغنيه هون م عارف ..
؟؟؟:pl:

ههههههههههههه شكل الدنيا قاطعة فيك يا شرباتي بتهون طول بالك امسح دموعك مش مستاهلة يا زلمة

[صقـــ العــذاب ـــر]

والله يا مديرنا خيالك واسع وانا مش داري ههههههههههههههه

[الشرباتي]

والله يا مديرنا خيالك واسع وانا مش داري ههههههههههههههه

طيب ورجينا شطاراتك يا صقر العذاب طيب اسمع يا باشا...
صقر العذاب يا صقر العذاب.. جاي تسرح في وانا عارف انك كذاب ..ابتحكيلي انك بطل وصاحب عضلات زي ابو الشباب..بس يا حصره لما اشوفك بتروح تتخبى ورى الباب....او بتروح تتخبى جوا السرداب... انا بعرف يا صديقي انو معاك حاله اكتئاب ....
متذكر يا صديقي يا صقر العذاب ...لما شفتك راكب شحن قلاب....وحكاتلك انزل مييل علي خليني اطعميك كباب ..ونتا فكرت حالك بدك تعكم في الحساب ..... بس عيييب عييب انا لما اكون ما حدا بدفع لا انو انا بعاملكم زي الاخوه والاحباب...وشو رئيك انلبسك جلباب...ويسير اسمك صقره العذاب ......:18: :18:


واكيد انتا راح تتقبلها بروح رياضيه :53: عشان فلسطين الابيه :pl:

[صقـــ العــذاب ـــر]

له يا باشا يا شرباتي هوان مش زي القسم التاني الي ممكن الواحد يسرح في هوان كلها حقائق يا صاحبي بس علشان نتعرف على بعض اكتر ارجو المراجعه ولو كان هادا الرد بقسم المزح ما في شي بس هوان ..............اطلب المراجعه

[الشرباتي]

حئك علينا يا نائب المدير ....احنا حكانا بدنا نتقبلها بروح رياضيه..:19: :f: :f: :f: :coffe:

[alaa jamjoum]

طيب ورجينا شطاراتك يا صقر العذاب طيب اسمع يا باشا...
صقر العذاب يا صقر العذاب.. جاي تسرح في وانا عارف انك كذاب ..ابتحكيلي انك بطل وصاحب عضلات زي ابو الشباب..بس يا حصره لما اشوفك بتروح تتخبى ورى الباب....او بتروح تتخبى جوا السرداب... انا بعرف يا صديقي انو معاك حاله اكتئاب ....
متذكر يا صديقي يا صقر العذاب ...لما شفتك راكب شحن قلاب....وحكاتلك انزل مييل علي خليني اطعميك كباب ..ونتا فكرت حالك بدك تعكم في الحساب ..... بس عيييب عييب انا لما اكون ما حدا بدفع لا انو انا بعاملكم زي الاخوه والاحباب...وشو رئيك انلبسك جلباب...ويسير اسمك صقره العذاب ......:18: :18:


واكيد انتا راح تتقبلها بروح رياضيه :53: عشان فلسطين الابيه :pl:
ولك فشر ازعم شاعر يطلع هيك كلام

[صقـــ العــذاب ـــر]

انتظرو الليه الحلقه التانيه من صقر العذاب قاعه تجهز في المنتاج

[طريق النحل]

اي ساعه و وين ؟؟؟؟؟؟؟؟؟؟؟؟؟؟؟؟؟؟؟؟ على الجزيرة ولا العربية؟؟؟

[الشرباتي]

انتظرو الليه الحلقه التانيه من صقر العذاب قاعه تجهز في المنتاج


طيب لا بان ما تجهز السرحانه تاعتك بكون امجهز وحده
خود يا سيدي
كانت القصه بتدور حول محسوبكم الفارس المغوار... الي ما خلا ولا واحد الا ساعدو او انقذو وكمان من غير اجار ...
صلو على النبي يا حبايبنا وخليكم زي الشطار ... كان الفارس في جوله على قريه (درب المختار)...
وفجئه ومن غير تنبيه سمع واحد بحكيلو انقذني يا فارس يا مغوار....والله زلمتنا طبعا مش ممكن ايفكر انو يتراجع عن اخذ القرار....مسك السيف والخنجر وراح اركاض ايشوف شو صار....شاف حرامي لابس قمباز وملثم وكان شكلو زي الاشرار...كان بدو يسرق غنمات ابو السعيد مع الحمار... بس طلع زلمتنا الحرامي الي منظرو زي الاشرار....مدعوم من ابن لادن والقاعده في قندهار.....وطلع امخبي معاه اسلاح بضرب نار..... بس ما اتخافو يا حبيبنا انا وقت الزنقات بصير زي عمر المختار ...

وما بهمني ضرب النار...

المهم قضيت على الحرامي ورجعتو على قندهار.. وبعدين رحت اشربت كاسه خروب اكيد مش من الشارع اكيد في البار.. واكلنا من عند (ابو زحلف السبع) كفته ومنبار..وبعدين روحت على الدار ...وهادي
يا اصدقاء هاي نهايه وجزاء الاشرار....
ونشالله ما اتكونو ازهقتو يا حبايبي يا شطار..:f:

[صقـــ العــذاب ـــر]

رهيببببببببببببببببببببببببببببببببببببببببببببببب ببببببه هاي والله مصيبه

[alaa jamjoum]

انا نفسي اعرف شو دخل حمار ابو السعيد
:hsan3: :53: :hsan2:

[صقـــ العــذاب ـــر]

يا طريق النحل شكلي بكره راح اكملها تعبان اليوم شوي

[صقـــ العــذاب ـــر]

حمار ابو السعيد الي كان بدو ينسرق يا جمجوم

[الشرباتي]

يا زلمه مهو الحرامي كان بدو يسرق الغنمات مع الحمار ...

[صقـــ العــذاب ـــر]

طول بالك يا شرباتي

[اشرف]

يعني يا شباب مفش غير سير الحمير و الخرفان

[الشرباتي]

يعني يا شباب مفش غير سير الحمير و الخرفان

يا سلام عليك يا اشرف يا اكبير ...من كل هلقصه ما عجبك الا سيره الخرفان الحمير ... اتفرج على القصه الامانه انها حرام على وقتك يا باشا يا امير....
طيب شدلنا حالك يا غالي وكتبلنا قصه فيها سرحان او اي اشي بصير..
:f: :f: :pl: :55:

[alaa jamjoum]

و الله يا شباب بدنا نحكيلو قصة صارت معانا بالزمانات بس مش عارف من فين ابدا
في يوم من الايام كنت زهقان و مش عارف شو بدي اعمل ولا خطر في بالي انو اطلع اشم الهوا ........... بس المشكلة اني كنت قرفان كل الاماكن على الكرة الارضية فقلت ما الي الا اروح على مكان جديد اغير جو
مش عارف كيف خطر في بالي المريخ بس انتو عارفين المريخ مواصلاتو صعبة و بدي استنى كتير ففجاة اتزكرت الشرباتي :hsan2: فرحت اخدت الحصان:hsan3: تبعو ابو جنحان و الله هالحصان زي الصاروخ جابها بخمس دقايق
و الله اوصلت هناك و شو كان في عالم بتقدرش تحط اجرك و الله و اتعرفلكم على وحدة من سكان المريخ قعدنا انا و ياها و اتسلينا مع بعض شوي
و اخدت ايملها و دايما بتقلي تعال بس المشكلة انو حصان الشرباتي كبر و بطل يقدر يقطع هيك مسافات
:56:

[الشرباتي]

هههههههههههههه هههههههههههه هههههههههه الامانه انها قصه مؤثره وبتددعو للوقوف والتئمل...

مشكو يا حج بس انا احصاني عمر ما ابيتعب ولا ابيكبر طول عمرو نشيط ..

[alaa jamjoum]

هههههههههههههه هههههههههههه هههههههههه الامانه انها قصه مؤثره وبتددعو للوقوف والتئمل...

مشكو يا حج بس انا احصاني عمر ما ابيتعب ولا ابيكبر طول عمرو نشيط ..
و الله حصانك هالايام تعبان و بدو غيار زيت

[صقـــ العــذاب ـــر]

رهيب يا جمجوم ويا شرباتي غير الحصان تاعك ويا اشرف لا تزعل انت هاي القصه هيك

[طريق النحل]

انت ما عرفت يا علاء انه الحصان طلع حمار ما قرات قصيدة الرثاء اللي كتبها الشرباتي عن حصانه
بعدين ما تنسا لما بدك ترجع للمريخ تاخدنا جاهة معك عشان نزفك في المريخ

[ابو حسونه]

هههههههههههههههههههههههههههههههههههوالله ما عرفتك يا علاء بتروح على المريخ من غيري

[صقـــ العــذاب ـــر]

انتضرو الليله الحلقه التانيه من صقر العذاب ومباشره على فلسطين للابد لا على العربيه ولا على الجزيره

[alaa jamjoum]

انت ما عرفت يا علاء انه الحصان طلع حمار ما قرات قصيدة الرثاء اللي كتبها الشرباتي عن حصانه
بعدين ما تنسا لما بدك ترجع للمريخ تاخدنا جاهة معك عشان نزفك في المريخ
هو بالزمانات كان حصان بس هلا ما بعرف ازا حول حمار
خلص باخدك معي يا طريق النحل انتي احلى جاهة
:hsan3: :pl: :hsan2:

[طريق النحل]

انتضرو الليله الحلقه التانيه من صقر العذاب ومباشره على فلسطين للابد لا على العربيه ولا على الجزيره

يا زلمة صارلك سنة بتقلنا انتظرو وبعدين بدنا نحضر عدنان ولينا

:03:

[alaa jamjoum]

هههههههههههههههههههههههههههههههههههوالله ما عرفتك يا علاء بتروح على المريخ من غيري
يا الو حسونة بدنا نتخوت على بعض مش انا قلتلك يوميها و انتا قولتيلي مش فاضي بدك تروح مع المزة على كوكب اورانوس
:03: :41: :03:

[طريق النحل]

هو بالزمانات كان حصان بس هلا ما بعرف ازا حول حمار
خلص باخدك معي يا طريق النحل انتي احلى جاهة
:hsan3: :pl: :hsan2:

والله انك مزوق يا علاء بس هاد مش حصان من يومه حمار ما قرات قصيدة الشرباتي عن اشباه الرجال مهو بعترف انه احنا في زمن البغال يعني طلع هاد مش حصان بس ولا يهمك انا باخدك في وكالتي (وكالة ناسا) للمريخ

[alaa jamjoum]

والله انك مزوق يا علاء بس هاد مش حصان من يومه حمار ما قرات قصيدة الشرباتي عن اشباه الرجال مهو بعترف انه احنا في زمن البغال يعني طلع هاد مش حصان بس ولا يهمك انا باخدك في وكالتي (وكالة ناسا) للمريخ
لا كتير هيك طريق النحل بدك اتخفي علينا شوي (وكالة ناسا مرة وحدة )

[alaa jamjoum]

و الله يا جماعة الخير و انا قاعد بحضر اغنية سافرت انا وصديق وذيب اتذكرتك هالقصة صارت معي بالزمنات
هدا مرة طلعت انا و صديقي ابو حسونة في رحلة صيد على الصحرا ولا هو و احنا ماشيين شوفنا واحة فنزلنا علشين نشرب و نرتاح شوي ولا هو كان في صبايا قاعدين هناك و قعدنا نطقس عليهم وبعد هيك كملنا رحلتنا ولا هو بنص الطريق طالعلنا جيش من البد:28: و اقعدو يطخو:23: :24: علينا ولا هو ابو حسونة بطلع الرشاش:31: تبعو و انا بطلعلكم رشاش 500:26: :34: و بلشنا فيهم بس المشكلة كانو كتار و مش قادرين نلحق عليهم ولا انا بالصدفة اشوف بلفون على الارض فحكيت تلفون على جماعتنا بالخليل و بلمح البصر يوصلو باصين و 4 فوردات معبيين شباب بياكلو الزلط و بنفس الوقت وصل الشرباتي على حصانو:22: هو و الفرسان الاشاوس و دارت معركة حامية الوطيس كانت النتيجة المئات من القتلى و الالوف من الجرحى بس بالاخر انتصرنا و اخدنا الغنائم و السبايا :20: :01: :51:
و ابو الشرباتي حط حصان شيخ العشيرة على كتافو وروح فيه بعد مواجهة فري فايت ( فيس تو فيس ) مع شيخ العشيرة!!!!!!!
ولكن ماذا حدث في العطوة , بنت شيخ العشيرة :11: , موقف الشرباتي و ابو حسونة في المعركة ؟؟؟؟؟؟؟؟
و ما العبر المستفادة من هذه المعركة ؟؟؟؟؟؟؟؟؟
هذه الاسئلة و غيرها يطرحها برنامج اسرح قداش بدك في الحلقة القادمة

[anas]

والله يا علوش قصتك هاي شفتها بفلم بس ناسي شو اسمو
حلوه منك يا مغوار العرب يعني بجد القصه معبره واهم عبرها بالنسبه الي انو الي بطب بشلة المغامرين بروح فيها
المهم انا بقترح بالعطوه انو ما تقبلو بترجيع الحصان لشيخ العشيره
عشان اضل وصمة عار في قبيلة عقلة واولاده
ونتمنى اللحقه الجاي تكون فيها اكشن أكتر من هيك

[alaa jamjoum]

والله يا علوش قصتك هاي شفتها بفلم بس ناسي شو اسمو
حلوه منك يا مغوار العرب يعني بجد القصه معبره واهم عبرها بالنسبه الي انو الي بطب بشلة المغامرين بروح فيها
المهم انا بقترح بالعطوه انو ما تقبلو بترجيع الحصان لشيخ العشيره
عشان اضل وصمة عار في قبيلة عقلة واولاده
ونتمنى اللحقه الجاي تكون فيها اكشن أكتر من هيك
ناسي شو اسمو قلتلي طيب لما تتذكر احكيلي علشان مش فاضي احضر افلام
:17: :17: :17: :17: :17: :17: :17: :17:

[اشرف]

يعني انا قديش شفت ناس بتسرح بحياتي بس هيك عمري ما شفت اتس تو ماتش بس يالله معلش هينا بنتسلى وبنستفيد عبر كتيرة ودروس في هالحياة ما شاء الله عليكم صفيتو كلكم فرسان كمان شوي بتفوتو في قصص الجوارح و الكواسر

[alaa jamjoum]

يعني انا قديش شفت ناس بتسرح بحياتي بس هيك عمري ما شفت اتس تو ماتش بس يالله معلش هينا بنتسلى وبنستفيد عبر كتيرة ودروس في هالحياة ما شاء الله عليكم صفيتو كلكم فرسان كمان شوي بتفوتو في قصص الجوارح و الكواسر
يا باشا اصلا قصص الجوارح و الكواسر احنا اللي مقلفينها بس احنا ما بتهتم لهيك شغلات فبنعطيها لناس هي بحاجة لقصص علشان اسمائهم تطلع على الراديووووووووووو:08: :08: :08: :08: :08:

[ابو حسونه]

الله يصبحكو بالخير

امبارح بالليل وانا سهران بأرجل وكانت الدنيا شوي برد

تزكرت ايام الجامعة وتزكرت مرة شو صار معي

يوم كالعادة مطنش المحاضرة الأولى ( تبعت ال 8 الصبح)

وقاعد بهالساحة ولا بتيجي بنت حلوة وامورة يعني مزّة خيلتني

شو بدكو بالطويلة ما بدي اوصفها اكتر من هيك بلاش حدا يطلع بيعرفها

المهم

قعدت هالبنت قبالي تقريبا

وصرت اتطلع فيها من فوق لتحت ( فحص شامل )

وصارت تتطلع فيي وانا لما شفت عينيها صرت زي السكران دخت

قلت ابوك يالحب

هاي هاي وبس خلص

بدي اروح على امي اليوم اقولها خلص انا بدي اتجوز

المهم رحت لأمي بعد ما روحت قلتلها خلص بدي اتجوز

قالتلي تكونش عجل ( يعني مستعجل كتير ) شوف مين هي البنت وحاول احكي معها واعرف مين هي وبنت مين

( أول مرة امي بتحكيلي احكي مع بنت دايما بتقللي عيب ما تحكي فاضحنا دايما )

تاني يوم طنشت المحاضرة الاولى كالعادة بس هالمرة من شان اشوف حبيبتي

(صرت حبيب على اخر عمري )

بس ما اجت ولا شفتها

وطنشت التانية وبرضو ما بينت

مش مهم بستنا وبعديها ما في عليي محاضرات استنيت يمكن ساعتين الا هي جاية ومعها تنتين صاحباتها

وقعدو بعيد عني شوي

بس انا انتقلت ورحت لمكان بقدر اشوف حبيبتي

قلت هيك ما بيزبط

صرت اتطلع واتبسم زي الحبيبة

البنت تبسمت وخجلت ونزلت راسها

( حلو... البنت خجولة معناها ما بتحكي مع حدا زبطت)

شوي رفعت راسها حركت شفايفي وقلتلها صباح الخير من بعيد

اول مرة بشوف بنت بتقرأ لغة الشفايف بهالجامعة

قالتلي بلغة الشفايف صباح النور

وقلتلها كيفك

قالتلي الحمد لله انتا كيفك

بعدين رجعوا صاحباتها

قلت الله لا كان جاب الغلا شو جايين بدهم

المهم اجو هالشباب كبسوني ما عرفت اتخنفس ولا اعمل اشي

صارو يحكولي ليش ولك ضابس هون ( يعني قاعد ومتخبي بعيد عننا )

شكلك بتتصيدلك مزة زي العادة

وانا اكيد انكرت لأنو هاي رح اتجوزها

المهم ضليت على هالحالة 3 ايام وانا بحبها من بعيد وما في فرصة امسكها لحالها احكي معها

باليوم الرابع قلت ما بدي اطنش المحاضرة الاولى واصير طالب مجتهد عشان تحبني اكتر

دخلت هالمحاضرة وطلعت منها زي تور الله في برسيمو مش فاهم اشي

الاستاز بواد وانا بواد تاني

هو بيشرح وانا فكري بحبيبتي وضليت اتطلع من الشباك

المهم طلعت من هالمحاضرة ولا هي قاعدة لحالها

فرصتك يا ولد اكبس

قعدت اشجع حالي وكنت لابس بنطلون جينز وبلوزة حمرا

رفعتو شوي وزبطت هالبلوزة عشان ابين محترم

وشعري مزبط عليه جل بس تسريحة رهيبة ما كان حدا بالبلد كلها عامل زيها

اشي شلبي

المهم رحت على جهتها وشافتني وصار تتبسم

قلت والنبي زبطت

وصرت ادعي يا رب تزبط معي

ورحت بقللها صباح الخير

ما ردت

قلت استفقعتني

معلش كمل ياولد ما تنهزم من اولها

بقللها كيفك

اتطلعت فيي وقالتلي :

باه ابا وتحرك ايديها

انا بحكيلها نعم وزي كأنو في على وجهي علامة استفهام ؟؟؟

شو بتتخوتي عليي

الا هي بتحكي : اه اباه اه

قلت انضف البنت اللي حبيتها وقعدت تلت ايام بحب فيها

تطلع خرسا يا للمصيبة يا للعار واااااااع

يا فضيحتي قدام الناس وقدام امي بالأخص والله غير تمسح فيي الأرض

بطلت عارف شو بدي اعمل

وصرت احكي زيها

اه ابب اه اباه

وقولتلها انو انا متأسف وغلطان بالعنوان

وسلام


:19: :19: :19:

[جمول]

والله يا ابوحسونة طلع عليك شغلات مش على حدا
يلا الله يبعتلك بنت الحلال اللي ترضيك وتهنيك

[ابو حسونه]

والله يا ابوحسونة طلع عليك شغلات مش على حدا
يلا الله يبعتلك بنت الحلال اللي ترضيك وتهنيك



لالا هاي مجرد قصه سرحان على قول الشرباتي

[palestineonly]

هههههههه شو يا ابو حسونه هذا انت حبيب من النوع الزي عنجد يعني

لا بس قصه مأثره يا زلمه حزنتني
انا قلت بالاخر بموت البطل بس طلع فلم ضايع

:17: :17: :17:

[الشرباتي]

ههههههههههه والله يا ابو حسونه مش عارف شو بدي احكليك عنجد قصه مؤثره (تدبيل)

بس بقص ايدي ازا ما القصه حقيقيه ..

شد حالك يا احصان بركي عرفتك على بنت الجيران ... سعديه الدلو ...

[ابو حسونه]

له يا بوب انته بتعرف البير وغطا

[صقـــ العــذاب ـــر]

ابو حسونه يا ابو حسونه بكل القصه لفت نضري طلع عنا بنات بالجامعه بفهمو لغه الاشاره حلوه هاي شو قصدك يعني الصبايا الي عندكم ..... بس القصه عند جد دمارررررررررررررررر

[صقـــ العــذاب ـــر]

وهاي القصه بس على شان طريق النحل مستجعله السمع هذا يا جماعه الخير مره كنت مسافر من موزنبيق على اسبانيا هذا الحكي كان بالسبعينات لما هاجرت على اروبا طلعنا يا شباب بقارب شو صغير شو صغير يعني ما تقدرو تتصورو وكنا على القارب تقريبا 50 واحد وحده والقارب ما بتحمل الا 30 واحد شو بدك بالي تفهمو الكل بدو يهاجر هاجرنا واحنا بنص البحر انخزق القارب وبلشت الميه تدخل شوي شوي شووووووووووو نعمل شو نعمل ما لقينا حل صرنا نحط كل واحد ايدو بالخزق ساعه ما زبط الموضوع صار يكبر الخزق بعدها صرنا نتريح ونحط الايدين ما زبط الوضع بعدين انا حمقت عليهم جمعتهم كلهم وحكيت الهم وكان نص الركاب نساوين اجمعوالي كل العلكه *البان *الي معاكم والله وجمعو الصبا يا هالعلكه ولحمت الخزق بهم وابحر حتي وصلنا بر السلام .
وتوتا توتا خلصت الحتوته

[طريق النحل]

انت شو مطلعك مع 49 بنت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وين كنت ماخدهم اعترف؟؟؟؟؟؟؟؟؟؟

[alaa jamjoum]

و الله يا ابو حسونة المنحوس منحوس لو علقو ب............... ميت فنوس

[الشرباتي]

انت شو مطلعك مع 49 بنت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وين كنت ماخدهم اعترف؟؟؟؟؟؟؟؟؟؟

وين يعني بدو يا خدهم اكيد ما بدو ايشممهم الهوا ..:55:
مهو حكالو كانو امهاجرين ....بدهم اللجوء السياسي..
بس والله يا ابو عذاب قصتك رهيبه:17: :17: :17:
بس ما حكتلنا شو نوع المسكه اوربت ولا سهم ..بس ما اتكون مسكه عربيه ..

سلام

[طريق النحل]

اكيد مسكة عربية لانه في هداك الوقت ما كان في اوربت

[الشرباتي]

اكيد مسكة عربية لانه في هداك الوقت ما كان في اوربت

استنتاج مقنع وممتاز ..بحيكي يا اخت طريق النحل....والى الامام دوما :03:

[alaa jamjoum]

لا يا عمي حتى في هداك الوقت ما كان في مسكة عربية كان في مسكة اسمها مسكة روميو و جولييت

[صقـــ العــذاب ـــر]

والله يا طريق النحل هدوال جماعه غلبانين بدهم الهجره بس انا والله ما عملت شي معهم وبالنسبه للمسكه معاك حق كانت مسكه اورجينال عربي شكر لردوادكم يا جماعه والحمد لله علي السلامه

[صقـــ العــذاب ـــر]

شو يا شباب وصبايا ما ضل عندكم قصص وخيال ورجونا وينكم

[non_love]

مرحبا شباب
هادا مره يا جماعة انا كنت راكب بطيارة عالية جدا عن الأرض وشفت غابة ونزلت عليها بالطيارة ولقيت بالغابة أسد سلختووو كف خماسي حامي جدا ههههههههههههههه وصار يبكي واجا باس ايدي عشان ما اضربو وانا حزنت عليه وبعدين اعطيتو نص شيكل وطلعت بالطيارة لعند اليسا وتعشينا انا وياها سوا وغنتلي وكلو تمام هههههههههههههههه..بتمنى تكون عجبتكم.
..تحياتي..

[alaa jamjoum]

اعطيتو نص شيكل ههههههههههه
و الله يخلف عليك

[non_love]

ههههههههههه بكفيه للأسد حتى يمكن زيادة عليه هههههههه.
..تحياتي..

[ابو حسونه]

حلوه القصه وكيف حال اليسا هل الايام

[palestineonly]

واال طيب طبخته على ملوخيه

ملوخيه بالاسود

:) :) :)

[طريق النحل]

كف خماسي حامي جدا مرة وحدة ونص كمان اعطيته والله انك بطل

[non_love]

ولو شباب انا بضرب جورج بوش شلوت فكيف الأسد؟؟ أكيد راح شبعه قتل مني ههههههههه
..تحياتي..

[alaa jamjoum]

حلوه القصه وكيف حال اليسا هل الايام

و الله زمان عن اليسا

[non_love]

خلص بجيبها بكره تغنيلك عندك عالبيت.
..تحياتي..

[alaa jamjoum]

خلص بجيبها بكره تغنيلك عندك عالبيت.
..تحياتي..

لا بلاش تجيب السا شكلو صوتك احلا من صوت اليسا

[non_love]

ههههههههههه اه ولو,,زلمتي انت خخخخخخخخخ
..تحياتي..

[صقـــ العــذاب ـــر]

والله اسد انت يا نبيل على راسي يا ريت تميل المره الجاي وتسلخيناا ابو مازن والحرامي دحلان طلقتين :55:

[صقـــ العــذاب ـــر]

هادا يا شباب وصبايا قبل يومين كنت في برلين هيك طلعت شمت هوا صغير وانا في برلين اتصلت على ميركل واطلعنا شربنا قهوه مع بعض وحكيت معها شويت سياسه على اقتصاد وبعدين فتحت معها قصه اليهود والمحرقه وقصه هاي ال 5 مليون الي ماتو بتعرفو شو حكتلي والله يا صقر مش عارف من وين جابوهم هال 5 مليون ازا هما اليوم ما بيحو 5 مليون بس شو بدنا نعمل الله بعين لا تخافو بكره بتفرج وبرجعهم على بولندا وعنا هوان على المانيا وعلى روسيا انا اتفاجئت بحكيلها طيب انتي ليش هيك بدك تعملي بتقلي مهو انا صرت بالسرا مسلمه واخذت الجنسيه الفلسطينيه والسنه الجاي بدي اروح احج

[palestineonly]

واااااااااااااااال واااااااااااااااااال هذا انت تقيل يا زلمه وكمان كانت تعرف اسمك صقر العذاب
يعني عنجد انت واصل
بس مغامرات حلوه
لا تنسى تسألها المره الجايه اذا بتعرف اسمي

[alaa jamjoum]

و الله كبير يا صقر العذاب
بس نفسي اعرف مين اعطاها الجنسية الفلسطسنية

[القيصر]

ههههههههههههههههههههههههههههه
حلوة و الله يا حج بس ما سالتها مين جبلك الجنسية
يالله المرة الجاي بتسالها :)