طريق النحل على كرسي الصراحة [الأرشيف]

مشاهدة النسخة كاملة : طريق النحل على كرسي الصراحة

alaa jamjoum

16-01-2007, 04:01

انا اخترت طريق النحل
1 - ما هي طموحاتك في الحياه و شو هو اللي نفسك تحققيه من هون لسنتين؟؟
2- انتمائاتك السياسية يعني فتح , حماس , جبهة ؟؟؟؟؟؟
3- لو قلتلك انك حاقدة على البنات شو رايك ؟؟؟
4- انا بحس انو في نوع من الحقد بشكل عام في شخصيتك و بنفس الوقت شايف فيها الشخصية القيادية ممكن توضحيلنا هدا الشي ؟
5- مكانة الرجل في حياتك ؟
6- هل انتي مع حقوق المراه ولا ضدها و ليش ؟
7- موقفك من الحب؟
8- شو رايك بالشيوعية ؟
9- شو رايك في جيفارا ؟؟
10- احلى يوم في حياتك و اسوا يوم في حياتك ؟
11- هل انتي من النوع اللي بيومن في مقولة الغاية تبرر الوسيلة ؟
12- رايك في الحكومة الحالية ؟
خلص بكفي عليكي هيك

الشرباتي

16-01-2007, 04:05

هههههه والله يا علاء انا معاك على الموت ...
بس السؤال الرابع انا بخالفك في القسم الاول ..والقسم التاني ميه في الميه ....
سلام هلاء بعدين ابنكت اسئلتنا.....سلام

القيصر

16-01-2007, 04:31

طريق النحل .........

3 اسئلة و خفاف عشان اول مرة:19:

1_ شو هوه اكتر موفق فرحتي فيه ؟
2_ شو هوه اكتر موقف مضحك مريتي فيه ؟
3_ شو هوه اكتر موقف محرج مريتي فيه ؟

طريق النحل

16-01-2007, 10:17

اوك انشاء الله لما اخلص دوامي بجاوب الاسئلة يعني العصر بجاوب كل الاسئلة

ابو حسونه

16-01-2007, 14:05

هلا بنحول والله من زمان بستنا يحطوكي وهي كم سؤال صغير

1-لو واحد بحبك وبموت فيكي من زمان وانته مش عارفه وعرفتي بعد فتره شو بتعملي؟؟

2-شو رأيك في المثل الي بقول (بوس الكلب من تمو لتاخد حاجتك منو)؟؟؟

3-لو عزمك شخص انته بتحبي على عرسو بتروحي ليش واز ما بتروحي ليش؟؟؟

4- بنسمع مقولة الحب بصنع المعجزات طب ليش مش كل تنين بحبو بعض بتجوزو؟؟؟

5-لو بتحبي شخص وانفصلتي عنو بتمنيلو السعاده حتى لو كان هو سبب الانفصال؟؟

6-لو وقعتي مع واحد طويل لسان شو بتعملي ؟؟ بتهربي وله بتواجهي ولوين بدك تصلي معو وانته عارف انك راح تنهزمي؟؟

7-لوبدك بتبكي هلأ على مين بتبكي؟؟ ومين بتختاري يمسحلك دمعتك؟؟؟؟

8-اتخيلي نفسك واقفه في المحكمه وكعب الكندره تبعتك الفرده اليمين مكسور وانته واقفه ومش واقفه والكل انتبه وقعد يضحك عليكي شو بكون موقفك؟؟؟؟

9-لو كنتي راكبه بتكسي وسمعتي ناس بيغلطو على جيفارا وحنظله شو بتردي عليهم؟؟؟؟

palestineonly

16-01-2007, 15:35

ههههههههههههههههههههه
هذه هروكي هري بالاسئله
طيب بس تجاوبيهم بسألك انا

طريق النحل

16-01-2007, 17:49

بسم الله الرحمن الرحيم
اجابات لاسئلة علاء!!!

1 - ما هي طموحاتك في الحياه و شو هو اللي نفسك تحققيه من هون لسنتين؟؟
طموحاتي الاساسية اكون ناجحة في حياتي واوصل لاهدافي وامشي لقدام وما ارجع للخلف مع أخذ بعين الاعتبار انه الماضي درس الحاضر.

2- انتمائاتك السياسية يعني فتح , حماس , جبهة ؟؟؟؟؟؟انا فلسطينية وبدون اي انتماء لاي فصيل معين وانا مع تعدد الاحزاب و من انصار اي فصيل مهما كانت اتجاهاته اذا كان بشتغل للوطن وحقق شي لفلسطين

3- لو قلتلك انك حاقدة على البنات شو رايك ؟؟؟
رأيي في كلامك هلأ وهون في المنتدى اوك ما في اي مشكلة لانك ما ابتعرفني معرفة شخصية ولا ابتقدر تعرف هاد الشي اذا كنت حاقدة او لا بدون ما تعرفني.

4- انا بحس انو في نوع من الحقد بشكل عام في شخصيتك و بنفس الوقت شايف فيها الشخصية القيادية ممكن توضحيلنا هدا الشي ؟
اولا بالنسبة للحقد ما ابتقدر تقول حقد يعني ازا كنت حكمت هيك من خلال ردودي بتكون غلطان لانه ردودي دايما بتكون حسب الموضوع يعني في مواضيع برد عليها بطريقة شوي فيها مزح عشان نعمل جو في المنتدى مش اكتر وردودي في جميع الاحوال ما بستهدف فيها الشخص صاحب الموضوع بكرر لخلق جو وفي مواضيع بتكون فيها شي استفزازي او رد مستفز بضطر ارد عليها بطريقة استفزازية اكتر. وفي مواضيع بتكوت ما ابتتحمل لا مزح ولا استفزاز برد عليها بطريقة عقلانية.
بالنسبة للحقد في شخصيتي ما في سبب حتى اكون حاقدة بعدين الحقد صفة سيئة جدا وما ابتيجي بين يوم وليلة واكيد كل انسان حاقد على جهة معينة بكون عنده اسباب. وانا يا علاء ما عندي اسباب حتى احقد على حدا وانا اكيدة مليون ونص بالمية لو انك ابتعرفني معرفة شخصية ما رح تحكم على شخصيتي هيك.
بالنسبة للشخصية القيادية الله يبعدنا عن القيادات والمناصب والكراسي /انا مع العمل الجماعي وضمن روح الفريق واكيد كل انسان عنده روح قيادية لكن مش كل انواع القيادة وعلى فكرة في شي انتو ما ابتعرفوه عن شخصيتي .

5- مكانة الرجل في حياتك ؟
اكيد الرجل له كل احترام وتقدير سواء كان الاب والاخ والزوج والحبيب نفس الشي والرجل اللي مقصود في سؤالك يا علاء مكانته في حياتي بنفس المستوى معي.وله كل احترام

هل انتي مع حقوق المراه ولا ضدها و ليش ؟
اكيد اكيد اكيد مع حقوق المرأة لكن انا بشوف ان المراة متساوية مع الرجل في معظم الاشياء خصوصا في وقتنا الحالي او يمكن في مجتمعنا الفلسطيني هيك يعني لو ما كنا متساويين في حقوقنا مع الرجل كان احنا هلأ مش في الجامعات والشغل وامور كتير
واكيد كمان في اشياء مستحيل يكون فيها مساواة بين الرجل والمرأة مش لانه المرأة هي مرأة لكن لانه الطبيعة للجنسين هيك فرضت

موقفك من الحب؟
شعور حلو لكن لا يعيشه الا الحالمين

8- شو رايك بالشيوعية ؟
حققت مساواه في المجتمعات اللي انتشرت فيها وخصوصا للعمال المضطهدين (انا بقصد الشيوعية الماركسية مش شي تاني)
لكن انا لا مع ولا ضد

9- شو رايك في جيفارا ؟؟اسطورة لا يمكن تكرارها على مستوى العمل السياسي العسكري

10- احلى يوم في حياتك و اسوا يوم في حياتك ؟
احلى يوم في حياتي هو كل يوم بحقق فيه نجاح وبتقدم فيه /مع اني ما بفرح ولا عمري فرحت على نجاح او تخرج او شي هيك/ ليش ما بعرف لانه كل مرة بكون عندي شعور انه هاد ولا شي ومشوار الالف ميل ببلش بخطوة وبعتبر حالي لسة على الشط.

اسوأ يوم في حياتي؟ كل الايام سيئة طالما في احتلال وفي ناس بتموت وفي آلام مدفونة بس الاكيد الامل بضل موجود انه بكرة احسن

11- هل انتي من النوع اللي بيومن في مقولة الغاية تبرر الوسيلة ؟
اكيد لا

12- رايك في الحكومة الحالية ؟ حكومة مناصب وكراسي وصراعات على السلطة والشعب آخر همها

طريق النحل

16-01-2007, 18:07

اجابة اسئلة رشاد جرار[/B

1[B]_ شو هوه اكتر موفق فرحتي فيه ؟
ما في موقف معين في بالي

2_ شو هوه اكتر موقف مضحك مريتي فيه ؟
موقف مضحك هو ما صار معي بس انا حضرته يعني شفته بعيني كتير كان مضحك وكتير محزن بنفس الوقت لكن ما بقدر احكيه لانه ما رح يوصللكم متل ما انا شفته يعني ما بتحسو في الضحك والحزن الا لما تشوفوه

3_ شو هوه اكتر موقف محرج مريتي فيه ؟ مممممممممم انه شاب بكى قدامي ما رح احكي اكتر من هيك

طريق النحل

16-01-2007, 18:23

اجابة اسئلة ابو حسونة

1-لو واحد بحبك وبموت فيكي من زمان وانته مش عارفه وعرفتي بعد فتره شو بتعملي؟؟ كل احترام لكن ما بقدر احكي شو بعمل لاني ما بعرف في اي مرحلة من حياتي رح اعرف انه بحبني يعني حسب الوضع اللي بكون فيه في الفترة اللي رح اعرف فيها.

2-شو رأيك في المثل الي بقول (بوس الكلب من تمو لتاخد حاجتك منو)؟؟؟ حسب الحاجة وفي مثل بقول داري الكلب وخد اللي بدك اياه واكيد اكيد كل انسان بستعمل هاد الاسلوب في موقف معين وكمان اذا كان الواحد محتاج شي من شخص سيء ما بنفع الا تداريه.
بس لما تازم معي وكنت محتاجة شي مهم من عينه بطول الشي اللي بدي اياه وخصوصا اذا كان حق الي سواء رضي ولا ما رضي.

3-لو عزمك شخص انته بتحبي على عرسو بتروحي ليش واز ما بتروحي ليش؟؟؟
اكيد اذا كنت فاضية بروح وباخدله ورد كمان وااذا ما رحت ببعتله ورد وبتمناله الخير.

4- بنسمع مقولة الحب بصنع المعجزات طب ليش مش كل تنين بحبو بعض بتجوزو؟؟؟
لأنه كل شي في الدنيا نصيب وكل شي مقدر

5-لو بتحبي شخص وانفصلتي عنو بتمنيلو السعاده حتى لو كان هو سبب الانفصال؟؟
اكيد

6-لو وقعتي مع واحد طويل لسان شو بتعملي ؟؟ بتهربي وله بتواجهي ولوين بدك تصلي معو وانته عارف انك راح تنهزمي؟؟ هههه المشكلة انا انا صبري قليل وما عندي روح طويلة اضل اسمع بس ازا الشغلة فيها ربح وهزيمة بجيب اجله وبخلي لسانه يصير قصير

7-لوبدك بتبكي هلأ على مين بتبكي؟؟ ومين بتختاري يمسحلك دمعتك؟؟؟؟
والله دمعتي غالية وما ابتنزل على حي الله شي ووهلا صعب ابكي لانه ما في موقف معين او حدث
مين يمسح دمعتي الله اعلم لحد الان ما في حدا مسحلي دمعتي

8-اتخيلي نفسك واقفه في المحكمه وكعب الكندره تبعتك الفرده اليمين مكسور وانته واقفه ومش واقفه والكل انتبه وقعد يضحك عليكي شو بكون موقفك؟؟؟؟
ما رح اتخيل لاني ما بلبس كعب عالي

9-لو كنتي راكبه بتكسي وسمعتي ناس بيغلطو على جيفارا وحنظله شو بتردي عليهم؟؟؟؟
ما بترد عليهم لانه كل انسان حر برأيه

[/B][/QUOTE][/COLOR]

جمول

16-01-2007, 18:29

مرحبا يا نحول
هي أسئلتي الك
1-ماهو أقدم شيئ تقتنيه و تستخدميه إلى الآن ؟؟؟

2-ماهو الشيء الذي له القدرة على تغيير مجرى حياتك؟؟؟

3-هل باستطاعة الناس الدخول الى قلبك سريعا؟؟؟؟؟؟

4-(( اللي راح راح وماتفيد كلمة ياريت )) إذا أردتي ان توجهي هذه العباره لنفسك, فماذا
تقصدين بها ؟؟؟

5-((مستحيل انساك)) لمن تقوليها ؟

6- ماهي ردة فعلك عندما يتخلى شخص عزيز عليكي وانتي بأمس الحاجة اليه؟؟؟؟

وبالتوفيق

طريق النحل

16-01-2007, 18:38

اجابات لاسئلة جمول

1-ماهو أقدم شيئ تقتنيه و تستخدميه إلى الآن ؟؟؟
الكتب

2-ماهو الشيء الذي له القدرة على تغيير مجرى حياتك؟؟؟
لا شيء الا اذا حدث شيء غير متوقع (قضاء وقدر)

3-هل باستطاعة الناس الدخول الى قلبك سريعا؟؟؟؟؟؟
مستحيل

4-(( اللي راح راح وماتفيد كلمة ياريت )) إذا أردتي ان توجهي هذه العباره لنفسك, فماذا
تقصدين بها ؟؟؟
الماضي درس الحاضر / اكيد فهمتي المقصود فيها

5-((مستحيل انساك)) لمن تقوليها ؟ لبنت اسمها لما الله يرحمها واكيد في مراحل تانية ممكن احكيها لناس تانيين. والله يا جمول دقيتي على الوتر الحساس وفتحتي مواجع

6- ماهي ردة فعلك عندما يتخلى شخص عزيز عليكي وانتي بأمس الحاجة اليه؟؟؟؟
آخر همي بالعكس بقوى اكتر وانا مع مقولة اللي ببيعك بيعه بارخص

جمول

16-01-2007, 19:37

شكرا الك كتير
وانا اسف اذا فتحتلك مواجعك

ابو حسونه

16-01-2007, 19:39

مشكــــــــــــــــــــــــــوره يا نحول والله يعطيكي العافيه

palestineonly

16-01-2007, 22:22

تحياتي نحول واسف على التأخير و هي الاسئله مختصره ؟

01- شو رايك في جيل اليوم و الماضي و ايه جيل بتفضلي لو عشتي فيه ؟
02- لو اعطيتك مليون شيكل شو بتسوي فيهم ؟
03-كم عمرك بالظبط واذا هذا السؤال بضايق مش ضروري تجاوبي؟
03- مين مطربك او مطربتك المفضله مع اعطاء مثال -اغنيه- ؟

بنت فلسطين

16-01-2007, 22:47

1شو اهم نشاطاطك اليومية ؟
2 شو حلمك الي بتتمني تحققي؟

ما تتمني للشعب الفسطيني خاصة ولشعوب العربية؟

تحياتي

طريق النحل

16-01-2007, 23:18

اجابة اسئلة بهاء

01- شو رايك في جيل اليوم و الماضي و ايه جيل بتفضلي لو عشتي فيه ؟
جيل اليوم ممكن نقول 50% ماشي حالهم و50% الله يهديهم
الجيل اللي بفضل لو عشت فيه هو الجيل القديم على ايام الثورة وايام محمد جمجوم وعطا الزير وفؤاد حجازي انا دايما لما افكر في المراحل اللي مرينا فيها بحس انه ايام هدول الاشخاص كانت احلى ايام وخصوصا في الصراع الفلسطيني الانجليزي والصهيوني لانهم سجلو مواقف تنعد وتنذكر وسجلو بطولات.

02- لو اعطيتك مليون شيكل شو بتسوي فيهم ؟
بكمل تعليمي في جزء والباقي مع الزمن بقرر شو بدي اعمل فيهم

3- عمري 23 سنة

4- مين مطربك او مطربتك المفضله مع اعطاء مثال -اغنيه- ؟
فيروز - جميع الاغاني بس اغنيتها تبعت القدس العتيقة بتعقد
[Link nur für registrierte Benutzer sichtbar]

ماجدة الرومي- اغنية قوم اتحدى/ وافضل ما غنت اغنية (سقط القناع) الو المعروفة بـ حاصر حصارك من كلمات محمود درويش

[Link nur für registrierte Benutzer sichtbar]
[Link nur für registrierte Benutzer sichtbar]

جوليا بطرس- الاغاني الوطنية بس

مارسيل خليفة - كل شي
كاظم الساهر / جورج وسوف/ هاني شاكل/مصطفى كامل/-فضل شاكر/ حسب المزاج بسمعلهم
في اغاني كتير بسمعها حسب المزاج لمطربين تانيين مع اني ما بحبهم متل ميادة ووردة وحسن الاسمر يعني حسب الحالة النفسية

طريق النحل

16-01-2007, 23:28

اجابة اسئلة بنت فلسطين

1-شو اهم نشاطاطك اليومية ؟ اهم النشاطات والله حسب الشغل كل يوم في انشطة اما نشاطات شخصية ما في نشاط معين يومي يعني كل يوم حسب الوقت وحسب الفراغ بعد الدوام

2 شو حلمك الي بتتمني تحققي؟ مممم والله كتير اشياء بس اهم شي اكمل تعليمي والباقي خلال سنتين لسة يعني ما دخل حيز التنفيذ.

3- ما تتمني للشعب الفسطيني خاصة ولشعوب العربية؟

للشعب الفلسطيني العودة الى انتفاضة الحجارة وعدم عسكرة الصراع الفلسطيني الاسرائيلي كما كنا في السابق. وتوحيد الصفوف والوحدة
للشعوب العربية : للزعماء الله يهديهم
للشعوب بتمنى يعملو انقلابات على قياداتهم الغبية ما رح احكي اكتر من هيك

بنت فلسطين

16-01-2007, 23:47

يعطيكي الف عافيه
تحياتي

القيصر

17-01-2007, 01:00

طريق النحل

17-01-2007, 01:15

شو يا طيق النحل ؟؟؟؟؟؟؟؟؟؟؟؟
ما جاوبتي ولا سؤال !
خلص للمرة الجاي
هاي المرة خليكي على راحتك

جاوبت كيف ما جاوبت بس الاول ما في بالي شي

صقـــ العــذاب ـــر

17-01-2007, 11:08

نحول صباح الخير سوالي الاول سياسي
1-مارايك بتصرفات كل القيادات البارزه في فلسطين ويا ريت تعطيني امتله ويا ريت مساوءه ومحاسن ازا بتعرفي ?

السوال التاني اجتماعي
2- عرفي نحول بما لا يقل عن خمس سطور وحجم الخط يجب ان لا يكون كبير ?
السوال التالت
3- ما هو شعارك المشهور في الحياه وما هي القاعده التي تمشينا عليها واجمل بيت شعر بتحبي #?
,والف شكرا الك
صقــــــــــــــــــــــــلا العــــــــــــــــــــــــــذاب

alaa jamjoum

17-01-2007, 12:00

- شو رايك في جيل اليوم و الماضي و ايه جيل بتفضلي لو عشتي فيه ؟
جيل اليوم ممكن نقول 50% ماشي حالهم و50% الله يهديهم
الجيل اللي بفضل لو عشت فيه هو الجيل القديم على ايام الثورة وايام محمد جمجوم وعطا الزير وفؤاد حجازي انا دايما لما افكر في المراحل اللي مرينا فيها بحس انه ايام هدول الاشخاص كانت احلى ايام وخصوصا في الصراع الفلسطيني الانجليزي والصهيوني لانهم سجلو مواقف تنعد وتنذكر وسجلو بطولات.

طيب في هلا علاء جمجوم ما بينفع يعني
:03: :03: :06: :03: :03:
:19:

طريق النحل

17-01-2007, 21:59

اجابة اسئلة صقر العذاب

1-مارايك بتصرفات كل القيادات البارزه في فلسطين ويا ريت تعطيني امتله ويا ريت مساوءه ومحاسن ازا بتعرفي ? القيادات اللي فعلا كانو قيادات واشتغلو للوطن هو ياسر عرفات عاش كل حياته للوطن
وباقي القيادات كله بشتغل على هواه وطبعا القيادات من كل الفصائل من دون تحديد والكل شاف بعد وفاة ياسر عرفات شو صار الكل لمصلحته بشتغل وكله صراعات على السلطة والمناصب والوطن آخر شي ممكن يفكرو فيه
محاسن ما بعتقد في حدا عمل شي منيح بعد ياسر عرفات يمكن مروان البرغوثي كان بصلح يكون قائد يحمل هم الوطن
بقية القيادات متل ما زكرت كله بشتغل للمناصب والكراسي ويعبو البنوك

2- عرفي نحول بما لا يقل عن خمس سطور وحجم الخط يجب ان لا يكون كبير ?
مممممممممممممممممم كتير 5 اسطر

3- ما هو شعارك المشهور في الحياه وما هي القاعده التي تمشينا عليها واجمل بيت شعر بتحبي #?
شعاري في الحياة هو:- ان لم تكن ذئبا أكلت الذئاب

القواعد اللي بمشي عليها هي:
لا تنه عن خلق دنيء وتأتي مثله عار عليك إذا فعلت عظيم
إحذر عدوك مرة واحذر صديقك ألف مرَّة . . فلربما انقلب الصديق فكان أعلم بالمضرة
عامل كما تحب أن تعامل

أجمل بيت شعر هو:
لما فحصت بني الزمان لم أجد .......خلاً وفياً للشدائد اصطفي

.................................................. ............فعلمت أن المستحيل ثلاثة

.................................................. .....................الغول والعنقاء والخل الوفي

ان الفتى من يقول ها انا ذا ..... ليس الفتى من يقول كان ابي

ما قد ندمت على سكوتي مرة .............ولكم ندمت على الكلام مرارا

طريق النحل

17-01-2007, 22:03

طريق النحل

17-01-2007, 22:04

انتهت الحلقة

palestineonly

17-01-2007, 23:40

انتهت الحلقة

طيب حطي واحد بعدك على الكرسي يا فالحه
اسسسسسسسسسسسسسسسسسسسسسسسسسلخ
:17: :17: :17: :17:

طريق النحل

17-01-2007, 23:54

طيب حطي واحد بعدك على الكرسي يا فالحه
اسسسسسسسسسسسسسسسسسسسسسسسسسلخ
:17: :17: :17: :17:

:17: :17: :17: :17: :17: :17: :17: :17: :17: :17: :55: :55: :55:

اخللللللللللللللللللللللللللللع ولا بيجي بعدها شي مرتب

صقـــ العــذاب ـــر

18-01-2007, 00:04

ارجو الاجابه على السوال التاني وهذه لا تعتبر اجابه وشكرا

طريق النحل

18-01-2007, 00:10

ابو حسونه

18-01-2007, 00:14

عقبال الميه وعشرين وكل سنه وانته سالمه

:41: :41: :41: :41: :41: :41: :41: :41: :41: :41: :41: :41:

طريق النحل

18-01-2007, 00:19

وانت سالم وشكرا بس ما بدي 120 بسنة بكفي 40

ابو حسونه

18-01-2007, 00:21

وانت سالم وشكرا بس ما بدي 120 بسنة بكفي 40

لا والله طيب انشاله عقبال 125 ونص كمان
:03: :03:

صقـــ العــذاب ـــر

18-01-2007, 00:24

يا ستي تعيشي حياتك كلها بالهنا والنجاح والصحه ويا ستي نحول بتوقع الاسم بس ما بيجي 5 سطور وهاي اجابه مش وافيه للسوال التاني بس شكرا على كل حال

طريق النحل

18-01-2007, 00:30

يا ستي تعيشي حياتك كلها بالهنا والنجاح والصحه ويا ستي نحول بتوقع الاسم بس ما بيجي 5 سطور وهاي اجابه مش وافيه للسوال التاني بس شكرا على كل حال

اول شي شكرا كتير

بالنسبة للسؤال انت اسالني عن ايش بدك احكي وانا بحكي وبجاوب لاني مش عارفة من وين ابدا هههههههه

palestineonly

18-01-2007, 01:04

كل عاااااااااااااااااااااااااااام و انتي بخيييييييييييييييييير

طريق النحل

18-01-2007, 01:09

وانت بالف خير شكرا

صقـــ العــذاب ـــر

18-01-2007, 01:09

انا كان قصدي اني مااحصرك في اسئله كتير كانت فكرتي يعني معلومات عامه عمرك اسمك هوايتك هيك شغلات حتي يكون الواحد عندو فكره مع مين بيحكي وهدا كل قصد سوالي وشكرا سلف الك

طريق النحل

18-01-2007, 01:15

انا كان قصدي اني مااحصرك في اسئله كتير كانت فكرتي يعني معلومات عامه عمرك اسمك هوايتك هيك شغلات حتي يكون الواحد عندو فكره مع مين بيحكي وهدا كل قصد سوالي وشكرا سلف الك

ميرا من القدس بكمل دراستي وبشتغل من مواليد برج الجدي وهواياتي قراءة والبحث في كل ما هو معقد ومحسوبتك نحيته في الدراسة وطبيعتي ما بحكي كتير ومنيح هيك يا صقر العذاب

صقـــ العــذاب ـــر

18-01-2007, 01:18

منيح كتير ررررررررررر بس شكلي ازعجتك بالسوال يا ستي انا اسف ازا ضايقتك وهاي كمان سوال لعيونك وين بتدرسي وشو بتدرسي

طريق النحل

18-01-2007, 01:40

منيح كتير ررررررررررر بس شكلي ازعجتك بالسوال يا ستي انا اسف ازا ضايقتك وهاي كمان سوال لعيونك وين بتدرسي وشو بتدرسي

لا ما ازعجتني بس ما عرفت شو بدك عشان هيك قلتلك اسالني وانا بجاوب

انا بدرس في بيرزيت قانون

صقـــ العــذاب ـــر

18-01-2007, 01:43

والله على راسي كل اهل القدس وبير زيت وكان النا ايام روعه قمه في الجمال في بير زيت بالزمانات ويا ستي شكرا الك على الحلقه اللطيفه معك وهس بتقدري تختاري واحد تاني

الشرباتي

18-01-2007, 11:37

صباح الخير ان كنو صباح ومساء الخير ان كنو مسا...
تحياتي طريق النحل وما اتاخذيني انا ما اقدرت افتح النت عشان اسئلك لا انو كان عندي النت فاصل وما في مجال لا فك العجال ....

بس عنجد عنجد انو اجوبتك من النوع الفتاك....من النوع المدمر ..عنجد انتي خربطتي كل اعيار الاعضاء ..:19:

وكل عام ونتي ابخير يا نحوووول ...

طيب اسئلتي اللك ولو انها اجت متاخره وفي الوقت البدل ضائع....

س1-شبيك لبيك سمسم بين يديك اطلب وتمنى يا جميل..اربع مواصفات وقياسات الرجل المناسب الذي تتمناه كل امراه ان يكون زوجا لها .......؟

س2_هل انتي تشجعي عمل المراه كي تساعد الزوج في امور البيت ...ام ان لكي رئي اخر في ان الرجل الذي لا يستطيع تدبير امور بيته لا يستطيع الزواج... وفي نفس نطاق السؤال اذا كانت اجابتك على شطر السؤال الاول بنعم (عللي لنا بعض الدراسات في الدول العربيه حيث ان من اهم اسباب تفكك الاسره والطلاق جاء من خلال عمل المراه الذي كان نادرا او معدوم على ايام سيدي وسيدك..؟

س3- لو عينوكي انك اتكوني رئيسه والك صلاحيات واسعه ...اش اهم قراراتك التي ابتسعي لا تنفيذا...؟

س4-لو رجع الزمن فيكي لا ورى .... شو كان غيرتي في حياتك ..ولماذا.؟

س5- انشالله بكرا وبتصيري محاميه قد الدنيا واجتلك قضيه محرزه وفيها مبلغ اكويس مع اشويه رشاوي واكانت القضيه الي انتي بصدد الدفاع عنها باطله يعني الحق مش معاكي ....

هل ابتاخدي على عاتئق الدفاع عنها والسبب المبلغ الكبير من الربح...
هل بتقومي في التبليغ للسلطات المعنيه عن الرشاوي...
هل تنسحيبين من الموضوع و يا دار ما دخلك شر...
:55: :55: :55:
شو رئيك في دوله فلسطين المستقبيله اتكون دوله علمانيه.؟:53:
:pl:

هلا دور الاسئله (الرووشه) مصطلح مصري..

اش اكتر طبخه بتحبيها .....واكتر اكله ابتكرهيا... واش ابتعرفي تطبخي غير البيض:06:

مين قدوتك بلحياه ...ومين صديقك ...ومين عدوك...ومين حبيبك..وشو رئيك في المقوله الي بتقول ما في اشي اسمو صديق في اشي اسمو صديق مصلحه ....:05: .

وثانك يو فري اكلتش ............:19:

طريق النحل

18-01-2007, 17:12

اجابة اسئلة الشرباتي

س1-شبيك لبيك سمسم بين يديك اطلب وتمنى يا جميل..اربع مواصفات وقياسات الرجل المناسب الذي تتمناه كل امراه ان يكون زوجا لها .......؟

1- صادق 2- يكون صديق قبل ما يكون زوج 3- متفهم 4- واقعي 5- ما يكون عنده عقدة انه المجتمع ذكوري 6- يقدس الحياة الزوجية 7- يقبل الرأي الاخر ويكون على استعداد لنقاش اي مشكلة او خلاف او موضوع ممكن يادي لخلاف 8- ما يسمح لاي حدا يتدخل في حياته الزوجية يعني يكون مستقل في حياته الخاصة مع المدام بدون تدخلات ستي وعمتي
س2_هل انتي تشجعي عمل المراه كي تساعد الزوج في امور البيت ...ام ان لكي رئي اخر في ان الرجل الذي لا يستطيع تدبير امور بيته لا يستطيع الزواج... وفي نفس نطاق السؤال اذا كانت اجابتك على شطر السؤال الاول بنعم (عللي لنا بعض الدراسات في الدول العربيه حيث ان من اهم اسباب تفكك الاسره والطلاق جاء من خلال عمل المراه الذي كان نادرا او معدوم على ايام سيدي وسيدك..؟

أكيد انا بشجع عمل المرأة لمساعدة الزوج في امور المنزل واكيد الزوجين مسؤولين عن بناء حياتهم وتدبير منزلهم لانه بينهم حياه مشتركة ومش شرط انه اللي مش قادر يدبر امور بيته ما يتزوج لانه ممكن يقدر يتزوج بعدين يطرا امور جديدة بطل قادر يدبر امور بيته ممكن يتساعد فيها لزوجين.
بالنسبة للطلاق بسبب عمل المرأة هاد مش سببه شغل المرأة هاد سببه انه ما في تفاهم بين الزوجين لانه لو كان في تفاهم وكانو متفقين على كل شي كان حياتهم بتكون تمام بس المشكلة بتضل في التفاهم من اول حياتهم المشتركة على كل شي عشان ما يصير مشاكل بعدين.
بالنسبة لايام سيدي وستك زمنهم غير زمنا يعني كانت ستي ما تشوف جوزها الا يوم العرس . بس ايامنا كل واحد ماشي على راسه هههههههه
س3- لو عينوكي انك اتكوني رئيسه والك صلاحيات واسعه ...اش اهم قراراتك التي ابتسعي لا تنفيذا...؟

اهم قرار بسعى لتنفيذه هو تجميع جميع الزعران المسلحين اللي في الشوارع وتحريم حمل السلاح لغير العسكري لانه صار فلتان مش طبيعي واصغر ولد في اقل طوشة بطخ على ابن الجيران. بعدين بعيد تعيين جميع الموظفين حسب الكفاءة مش حسب الواسطات وابن فلان وما شابه وبشكل حكومة كفاءات مش حكومة مناصب وكراسيس4-لو رجع الزمن فيكي لا ورى .... شو كان غيرتي في حياتك ..ولماذا.؟
صراحة لهلأ ما في شي بتمنى يرجع الزمن واغيره

س5- انشالله بكرا وبتصيري محاميه قد الدنيا واجتلك قضيه محرزه وفيها مبلغ اكويس مع اشويه رشاوي واكانت القضيه الي انتي بصدد الدفاع عنها باطله يعني الحق مش معاكي ....

هل ابتاخدي على عاتئق الدفاع عنها والسبب المبلغ الكبير من الربح...
هل بتقومي في التبليغ للسلطات المعنيه عن الرشاوي...
هل تنسحيبين من الموضوع و يا دار ما دخلك شر...

طز في كل مصاري الدنيا اللي بدها تعمل الباطل حق انا ضد هاد المبدأ اكيد اكيد اكيد انا ما بتشغل عشان المصاري ازا اشتغلت محامية

شو رئيك في دوله فلسطين المستقبيله اتكون دوله علمانيه.؟:
ماشي الحال ما في اي مشكلة
هلا دور الاسئله (الرووشه) مصطلح مصري..

اش اكتر طبخه بتحبيها .....واكتر اكله ابتكرهيا... واش ابتعرفي تطبخي غير البيض؟
طبخة بحبها جميع الاكل الطلياني بس اكيد بدون لحوم
الاكل اللي بكرهه كل الاشياء الحيوانية ومشتقاتها.

مين قدوتك بلحياه ...ومين صديقك ...ومين عدوك...ومين حبيبك..وشو رئيك في المقوله الي بتقول ما في اشي اسمو صديق في اشي اسمو صديق مصلحه ....

قدوتي- كل انسان ناجح
صديقي - ما في
عدوي- الاحتلال
حبيبي- في عالم المجهول
رايي في المقوله الي بتقول ما في اشي اسمو صديق في اشي اسمو صديق مصلحه- مزبوطة 100% انه في صديق مصلحة غير هيك انسى
وفي هل مناسبة اسمع هالاغنية وقلي شو رايك
[Link nur für registrierte Benutzer sichtbar]

الشرباتي

18-01-2007, 17:41

اكيد اكيد اكيد انا ما بتشغل عشان المصاري .......اتوكلي على الله واشتغلي بياعه طرمس علب باب العمود..

طبخة بحبها جميع الاكل الطلياني...:19: وانا معاكي اصلاا انا طول عمري بشجع ايطاليا....

واصغر ولد في اقل طوشة بطخ........:17: :17: :17: :55:

ومشكوره على الاغنيه الرائعه...

مشكوره على الاجوبه الي كلها حيويه ونشاط...